Հայկական տաճարները

  2011թ.Նոյեմբերի 29-ը Ստավրոպոլի երկրամասի ք.Գեորգիևսկի բնակչության  համար հիշարժան օր է:  Այդ օրը օծվեց Հայ Առաքելական  "Սուրբ Գևորգ" եկեղեցին, որը կառուցվել է մոտ 15 տարի: Այս եկեղեցին, որը համարվում է առավել գեղեցիկներից մեկը Ռուսաստանի  հայկական եկեղեցիների  շարքում, շատ բազմազան և հետաքրքիր պատմություն ունի: Գեորգիեվսկ քաղաքը հիմնվել է 1777թ.:  Հիմնադրումից հետո  այստեղ տեղափոխվել են  հայեր Արեւմտյան Հայաստանի տարբեր բնակավայրերից, մասնավորապես  Վանից, Մուշից, Համշենից: 1780-90-ականներին  քաղաքում կառուցվել է   Սբ. Գևորգ եկեղեցին, որը Երկրորդ Համաշխարհային պատերազմի տարիներին քանդվել է համայնավարների կողմից (1942թ.): Երկրորդ եկեղեցին, որը գտնվում է մեկ այլ շրջանում, ի հայտ է եկել խորհրդային ժամանակաշրջանում և պատերազմի ժամանակ, օգոստոսին 1942 թ. Պայթեցվել է: Մինչև 1996 թ. հայ համայնքը ք. Գեորգիևսկում  չի ունեցել  եկեղեցի: 1996-ին ստացվել է թույլտվություն քաղաքում եկեղեցի   կառուցելու  համար, և  նույն  տարվա հունվարի 19-ին,   ստանձնել են "Սուրբ Գևորգ" մատուռի շինաշխատանքները: Հետագայում,1998-ի նոյեմբերի 26-ին,  մատուռի տեղում կատարվեց "Սուրբ Գևորգ" եկեղեցու  օծման և բացման արարողությունը, իսկ 2001 թվականի մայիսի 12-ին   օրհնվեց հիմնական տաճարի 16 հիմնասյուները:   Այն ժամանակ եկեղեցու հովիվն էր քահանա Տեր Վարդան Հունանյանը: 2011-ի  նոյեմբերի 29-ին նորակառույց  «Սուրբ Գևորգ» Տաճարն օծվեց   Ռուսաստանի Հարավային Թեմի առաջնորդ գերաշնորհ Մովսես Մովսեսյանը և Կոտայքի Թեմի առաջնորդ գերաշնորհ Առաքել Քարամյանը:  Օծմանը ներկա էին եկեղեցու հոգևոր այրեր, բազմաթիվ սպասավորներ: